Готово: Ериксен се договори со новиот клуб

Англиските медиуми лансираа вистинска „бомба“ и тврдат дека ѕвездата на Тотенхем, Кристиан Ериксен ќе се пресели во редовите на големиот ривал.

Ериксен влезе во последната година од договорот и веќе има право да преговара со заинтересираните клубови, а во јануари ќе може да потпише преддоговор со новиот клуб.

За него инетерс покажуваат неколку европски гиганти, но медиумите на Островот тврдат дека Данецот веќе се договорил со Манчестер Јунајтед.

„Црвените ѓаволи“ ќе се обидат да го реализираат трансферот во јануари и се спремни да понудат 40 милиони евра.

Таа сума најверојатно ќе биде прифатена од страна на „спарси“ бидејќи на лето можат да го загубат Ериксен без обештетување.