Гвардиола во Германија најде замена за Агуеро

Примарна цел на Манчестер Сити во летниот преоден рок ќе биде доведување на врвен напаѓач, кој ќе го наследи Серхио Агуеро.

Еминентниот „Билд“ тврди дека Гвардиола напаѓачот го нашол во Бундеслигата, а станува збор за Маркус Турам.

23-годишниот Французин игра одлично во дресот на Борусија Мехенгладбах и го привлече вниманието на многу европски гиганти.

Со оглед на фактот што Хари Кејн е премногу скап, „граѓаните“ ќе се насочат кон францускиот репрезентативец во кого Гвардиола гледа добра замена за Агуеро.

Мехенгладбах знае дека нема да може да го задржи напаѓот и за неговата слобода бара 40 милиони евра.