Виљар и неговиот син пуштени од затвор

Суспендираниот претседател на Фудбалскиот сојуз на Шпанија, Анхел Марија Виљар е пуштен од затвор.

Виљар и неговиот син Горку се пуштени изминатата ноќ откако поминаа 12 дена во мадритскиот затвор. Веднаш по излегувањето од затворот Виљар им се заблагодари на сите кои приватно и јавно веруваа во него, потпретседателот Хуан Падрон и неговиот син Горку.

Кауцијата за Виљар и Падрон изнесуваше 300.000 евра, додека за Горку Виљар изнесуваше 150.000 евра.

Тие беа уапсени на 18 јули поради наводната корупција, лошо водење на органзиацијата и злоуптреба на фондовите и фалсификување на документи.

Одземени им беа пасошите, а судијата донесе одлука и еднаш неделно да се појавуваат во судот, како и да обезбедат телефонски број на кој ќе бидат достапни во секој момент.

Виљар на чело на Фудбалскиот сојуз на Шпанија се наоѓа од 1998 година, суспендиран беше на една година, а поднесе и оставка од потпретседателските места во ФИФА и УЕФА.