Буфон: Италија некогаш добива повеќе од колку што заслужува!

Италија стигна до победа против Македонија во 92-та минута со голот на Чиро Имобиле, а Буфон истакна дека добиле повеќе од колку што заслужиле.

Италијанците се познати по својот менталитет, па иако не играа на врвно ниво во Скопје, сепак на крајот стигнаа до посакуваната победа.

„Ова беше чуден натпревар. Поведивме, а потоа ја испуштивме предноста што не е типично за нас. Ние секогаш го даваме срцето и душата па затоа некогаш се случува да добиеме повеќе од колку што заслужуваме. Уште еднаш се покажа дека натпреварите кои се лесни на хартија можат да бидат многу комплицирани“, истакна Буфон.