Бразил со пресврт во финишот до победа против Колумбија 🎥

Покрај Европското првенство тек е и Копа Америка.

Изминатата вечер во групата Б одличен натпревар одиграа Бразил и Колумбија а Бразилците после пресврт славеа со 2:1.

Водеше Колумбија од 10. минута со голот на Диаз, но во финишот Бразил дојде до целосен пресврт. Прво Фирмино во 78 минута изедначи на 1:1, а потоа Касемиро во третата минута од судиското продолжение погоди за победа на Бразил кој така стана третата селекција која го обезбеди пласманот во нокаут фазата.

Бразил е лидер во групата со девет бодови од три натпревари и го обезбедија четвртфиналето.

Вечерва продолжува Копа Америка со натпреварите од третото коло во групата А каде што се сретнуваат Боливија – Уругвај и Чиле – Парагвај.