Бразил преку пенали до победа со Мексико и финале во Токио

Aктуелниот олимписки шампион Бразил ќе го брани златото од Рио де Женеиро во 2016 година откако попладнево обезбеди трето финале на Летните Олимписки игри.

Бразил го победи Мексико со 4:1 на пенали. „Кариоките“ беа далеку посигурни за да триумфираат. За Мексико не погодија Сантош чиј пенал го одбрани Агире, додека ударот на Васкез заврши во дирекот.

За Бразил прецизни беа Дани Алвеш, Мартинели, Бруно Гимараеш и Реинер.

Во двата часа активна игра не видовме погодоци. Бразил со ова финале си обезбеди нов медал, а ако стигнат до златото ќе бидат петтата селекција во историјата која одбранила олимписко злато после Велика Британија (1908-1912), Уругвај (1924-28), Унгарија (1964-68) и Аргентина (2004-08).