Бензема, Роналдо и Њукасл ќе имаат исти газди

Сопствениците на англиски Њукасл, „Public Investment Fund“ ја презема сопственоста на уште два клуба – Ал Наср за кој игра Кристијано Роналдо и Ал Итихад за кој наскоро ќе настапува Бензема.

Сите саудиски клубови пред ова беа во сопственост на државата, но не под државна контрола, барем така е официјално. Сега целта е приватизација и вложување во спортските клубови, тоа е проект кој го започна тамошната Влада.

Инаку, на Њукасл му оди одлично по преземањето од оваа групација и од тим кој се бореше за опстанок, сега Њукасл е тим кој наредната сезона ќе игра во Лигата на шампионите.

Арапите преку спортот се обидуваат да придонесат за подобар имиџ на земјата во светот, па така ќе продолжат со вложување, а сигурно дека во наредниот период ќе гледаме нови познати фудбалски имиња кои прават трансфери во овие земји.