Бартомеу потврди: Одбивме неверојатни понуди за Фати

Бившиот претседател на Барселона, Жосеп Бартомеу потврди дека имало богати понуди од Англија за Ансу Фати и Осман Дембеле.

Бартомеу не ги откри имињата на клубовите, но потврди дека Барселона без размислување ги одбила понудите.

„Во 2020 година англиски клуб понуди 150 милиони евра за Фати. Ако ја прифатевме понудата тоа ќе ја решеше финансиската ситуација во клубот. Ние кажавме НЕ бидејќи приоритет ни беше развој на спортскиот проект“, изјави Бартомеу.

„Во случајот со Дембеле англиски клуб ни даваше повеќе од тоа што ние плативме за него (135 милиони). Меѓутоа, ние исто ја одбивме понудата“, додаде Бартомеу.

Минатата година англиските медиуми пишуваа дека Манчестер Јунајтед испратил богата понуда за Ансу Фати.