Барселона му постави ултиматум на Дембеле

Барселона се уште не може да постигне напредок во преговорите со Осман Дембеле за продолжување на соработката, пренесува „Мундо Депортиво“.

Каталонците веќе го изгубија трпението и му поставиле ултиматум на Французинот да даде конечен одговор на понудата до крајот на октомври.

Дембеле има договор со клубот до крајот на сезоната, па Каталонците сметаат дека неодговарањето на понудата за продолжување на соработката е непочитување кон клубот.

Французинот доживеа тешка повреда на ЕУРО, имаше операција и моментално се рехабилитира, а се очекува да се врати на терените во јануари 2022 година.

Барселона е загрижена поради фактот дека може да го загуби Дембеле без обештетување, па доколку играчот не стави потпис на нов договор наскоро може да биде продаден во јануари.