Ашковски: Мотивацијата и борбеноста се најважни

Репрезентативецот Стефан Ашковски смета дека со позитивна мисла и голема борбеност, нашата селекција може да се надева на позитивен резултат во Прага против Украина.

„Очекувам добар натпревар против Украина. Со позитивна мисла и силна мотивација, да се обидеме да ја пренесеме енергија од последните два натпревари. Борбеност, позитивна мисла и добра мотивација. Тоа е, според мене, најважно за мечот во Прага“, изјави Ашковски.

Македонската репрезентација на 14-ти октомври ќе ги одмери силите со Украина во Прага во рамките на квалификациите за ЕП.