Астон Вила за 45 милиони договори одлично засилување

Јан Матсен е нов фудбалер на Астон Вила.

Левоногиот фудбалер ги договорил сите услови со клубот од Премиер лигата, додека Челзи ја прифатил понудата од 45 милиони евра, па така нема пречки трансферот да се реализира.

Овој фудбалер играше на позајмица во Борусија Дортмунд со која стигна и до финалето на Лигата на шампионите, има само 22 години и се очекува да биде големо засилување за Астон Вила која ќе игра и во елитното европско натпреварување.

Фудбалерот кој може да игра како лев бек и лево крило потпиша договор до 2030 година. Трансферот наскоро треба да е и официјално потврден, преостанува клубовите да завршат одредени формалности.