Артета најави враќање на Венгер во Арсенал

Легендарниот менаџер на Арсенал, Арсен Венгер би можел после неколку години да се врати во клубот, но сега во друга улога.

Неговиот поранешен пулен, Микел Артета сака да го има Венгер покрај себе во клубот. Шпанецот смета дека помошта на Французинот ќе му биде од големо значење.

Венгер неодамна во интервју не ја исклучи можноста да се врати во Арсенал, но не е познато точно каква функција ќе има во клубот.

Венгер помина цели 22 години на кормилото на Арсенал и се етаблираше во жива легенда на лондонскиот клуб.