Манчестер Сити постигна договор со Лил за трансферот на талентираниот играч од средината на теренот, Ајуб Буади. Според новинарот Дејвид Орнстин, договорот е за 95 милиони евра плус уште пет милиони во форма на бонуси. Овој 18-годишен марокански репрезентативец ќе потпише договор за пет сезони плус дополнителни 12 месеци. Тој ќе стане најскапиот тинејџер во историјата на Премиер лигата, надминувајќи го значително трансферот на Лени Јоро, за кого Манчестер Јунајтед плати токму на Лил 58,9 милиони фунти во 2024 година. Во британска валута, договорот за Буади изнесува вкупно 85,6 милиони фунти.
Мароканецот треба да го замени на долги патеки Родри, кој премина во Барселона за 60 милиони евра плус бонуси од околу дополнителни 16 милиони.
Ова е втората многу сериозна инвестиција во обнова на средината на теренот на Сити, откако претходно летово “граѓаните” го привлечеа Елијот Андерсон од Нотингем Форест за 116 милиони фунти.
Енцо Мареска сака уште еден играч од средината на теренот, а неговата голема желба е да биде привлечен Енцо Фернандес од Челси. Тоа е затоа што покрај Родри, Манчестер Сити се раздели и со Бернардо Силва, а пред неколку дена Тижани Рајндерс беше продаден на Ал-Кадсија. Исто така, постои интерес за заминување на Нико Гонзалеc, кој го следи Њукасл.
Буади беше ѕвезда за Мароко на Светското првенство ова лето, започнувајќи во пет од шесте натпревари на неговиот тим во нивниот пат до четвртфиналето.
Учество во игри на среќа е дозволено за лица со 18+ години. Играј одговорно!