Ангеловски: Понудив оставка, но претседателот ја одби

Поранешниот македонски селектор, Игор Ангеловски за хрватските медиуми потврди дека понудил оставка од тренерското место во Горица, но бил одбиен од раководството на клубот.

Игор Ангеловски се уште нема победа во хрватското првенство со Горица, во седумте меча во кои ја водеше екипата има шест порази и едно реми.

„Од професионална и морална обврска, почувствував дека морам да одам кај претседателот и да му понудам оставка. Претседателот не го прифати тоа и сега се подготвуваме за Хајдук. Се договоривме за некои работи за тоа како можеме да се обидеме да излеземе од ова. Мислам дека можеме, дека играчите треба да ја разберат ситуацијата“, изјави Ангеловски.