Алушовски: Војводина игра брз и модерен ракомет, очекувам сериозен натпревар

Утре Вардар го игра првиот натпревар во вториот дел од сезоната, во Скопје гостува екипата на Војводина.

Од денес Вардар на раполагање ќе ги има и ракометарите кои беа на СП во Египет од селекцијата на Македонија, а во наредните неколку дена треба да пристигнат Иван Чупиќ и Патрик Валчак.

„И понатаму не сме комплетни, ракометарите кои имаа обврски кон репрезентациите се надвор од тимот. Работиме со тие што се тука, квалитетно колку што дозволува кадарот. Војводина е квалитетна екипа со млади играчи кои многу трчаат, го гледав нивниот последен натпревар со Кикинада играат еден брз и модерен ракомет. Очекувам да одиграме максимално сериозно“.

„Кога играме дома без разлика дали е СЕХА или Лига на шампионите се обидуваме да ја прифатиме фаворитската улога“, изјави Алушовски.