Тандемот Јовиќ-Шундовски на клупата на Еурофарм Пелистер!

Иако се споменуваше Раде Стојановиќ како опција, сепак Еурофарм Пелистер се одлучи да назначи нов предводник и наследник на Ларс Валтер.

Нов тренер на „пелистерци“ ќе биде Александар Јовиќ кој досега го водеше вториот тим на битолскиот состав, но него ќе му помага и поранешниот македонски селектор Звонко Шундовски.

„Со огромно задоволство ја информираме ракометната јавност, дека нов тренер на РК Еурофарм Пелистер е Александар Јовиќ. Исто така информираме дека за нов стручен тим-менаџер е назначен Звонко Шундовски. Управата на РК Еурофарм Пелистер смета дека ова е најдоброто можно решение за постигнувањето на главната цел оваа сезона.

 Упатуваме голема благодарност до Јовиќ и до Шундовски кои во овие сензитивни и значајни моменти го прифатија големиот предизвик. Клубот наскоро ќе го објави составот на стручниот штаб и реогранизацијата до крајот на сезоната“, објавија од Еурофарм Пелистер.