ПСЖ е шампион на Франција!

ПСЖ е ново-стар шампион на Франција!

Раководството на Лига 1 одлучи на ПСЖ да му ја додели титулата шампион откако сезоната беше прекината поради пандемијата од коронавирусот и тимот од Париз ќе се води за шампион во сезоната 2019/2020.

„Л’Екип“ објави дека е донесена одлука табелата да се смета онака каква што остана после 28 одиграни кола, па така ПСЖ е новиот шампион, зад клубот од Париз се Марсеј и Рен кој би требало да играат во Лигата на шампионите.

Пласман во Лигата на Европа изборија, Лил, Ремис и Ница, а од лигата ќе испаднат Амиен и Тулуз.

Сега се чека официјалната потврда, меѓутоа со оглед на тоа дека веста ја пренесуваат скоро сите поголеми француски медиуми промена не би требало да има.

Ќе потсетиме, владата во Франција одлучи да го суспендира фудбалот до септември и затоа првенството мораше да се прекине.