Прв пат во историјата фудбалерка настапи со хиџаб на СП

Мароканската репрезентативка Нухајла Бензина е првата фудбалерка во историјата која на Светското првенство играла со хиџаб.

Бензина носеше хиџаб на натпреварот против Јужна Кореја во кој нејзината репрезентација победи со 1:0.

ФИФА претходно имаше забрана за носење хиџаб на теренот поради здравствени и безбедносни грижи, но тоа се промени во 2014 година пред Светското првенство за играчи до 17 години во Јордан.

Бензина остана на клупата во поразот од Германија (0-6), додека против селекцијата на Јужна Кореја го одигра целиот натпревар и влезе во историјата.