Оскар призна зошто дошол во Кина: Мислев на семејството!

Бразилскиот репрезентативец Оскар пред повеќе од една година го шокираше фудбалскиот свет кога одлучи да го напушти Челзи и да се пресели во Кина.

Иако е јасно дека пресудноза преселба во Шангај СИПГ беше финансиската понуда, Бразилецот јавно призна зошто одлучил да се пресели во Кина.

Секој фудбалер, и секоја личност на планетата која работи сака да заработи пари за своето семејство. Јас доаѓам од дел од Бразил каде не сме многу богати. Всушност, ние бевме сиромашни, немавме ништо. Трансферот во Кина е врвот на мојата работа и јас чесно го заработив тоа“, изјави Оскар.

Каква и одлука да направам, некој ќе зборува лошо за мене. Кина има неверојатна финансиска моќ и понекогаш прави понуди кои не можат да се одбијат. Но, како што видовме со Паулињо, тој од Кина се пресели во Барселона, па исто така и јас можам да се вратам во Европа“, заклучи Бразилецот.