Манчестер Јунајтед донесе конечна одлука за иднината на Џејдон Санчо во контекст на неговиот сегашен престој на заем во Астон Вила, велат неколку медиуми во Англија.
Крилото е во последната година од договорот со Јунајтед, но „црвените ѓаволи“ имаат опција да го активираат 12-месечниот договор за продолжување. Сепак, клубот веќе одлучи да не го задржи Санчо за уште една година.
Фудбалерот премина на заем во Вила за време на летниот трансфер период, што му даде нова шанса да ја оживее својата кариера. Сепак, 25-годишното крило запиша само 6 натпревари како стартер во Премиер лигата и сè уште нема постигнато гол во англиската елита оваа сезона. Тој постигна еден гол во Лига Европа.
Во јануарскиот трансфер период, Џејдон Санчо беше поврзуван со Борусија (Дортмунд) и турски клубови, но ќе остане во тимот на Емери до крајот на сезоната.
Учество во игри на среќа е дозволено за лица со 18+ години. Играј одговорно!