Новото засилување на Јувентус само што дојде веднаш – се повреди!

Јувентус летово одработи солиден преоден рок во кој пристигнаа неколку засилувања, а еден од нив е Франсиско Консеисао.

Младиот Португалец сепак на стартот од својата епизода во Торино заработи повреда и го чека пауза. Консеисао се здобил со повреда на мускулите на десната нога и ќе отсуствува околу еден месец.

„По направените прегледи, беше утврдено дека Консеисао има повреда на мускулите на десната нога. За десетина дена ќе му бидат направени нови тестови по што ќе се знае кога може да се врати на терените“, соопштија од Јувентус.

Португалецот во Јувентус пристигна како позајмен фудбалер од Порто и дебитираше против Рома.