Нови информации за Серхио Рико: Состојбата се уште е тешка и сериозна

Според последните информации резервниот голман на Пари Сен Жермен, Серхио Рико се уште е во тешка животно загрозувачка состојба.

Рико е во болница од 28-ми мај откако доживеа несреќа при пад од коњ и се здоби со сериозни повреди на главата.

Голманот се наоѓа во болница во Севиља под седативи и докторите полека ги отстрануваат за да видат како ќе реагира 29-годишниот Рико. Според најавите денес треба да му биде извршен нов преглед на главата.

„Постојат охрабрувачки знаци, меѓутоа мораме да бидеме премногу внимателни, ситуацијата се уште е сериозна“, изјавил извор од болницата за шпанските медиуми.