Ниту одличниот скор на Трајковски не им помогна на МЗТ да се спасат од налетот на Соколи

Екипата на Карпош Соколи славеше над МЗТ Скопје со 85:83 во рамки на натпреварот од заостанатото прво коло во македонската лига.

Карпошани на гостински терен покажаа моќ и го надиграа актуелниот македонски шампион во текот на целиот меч. Во еден период гостите имаа предност од 17 поени, но МЗТ направи серија од 8 поени со кои се врати во мечот. Аеродромци имаа шанси да направат пресврт во финишот но не успеаа.

Соколов за Карпош Соколи беше најпрецизен и постигна 19 поени, а на спротивната страна се издвои Трајковски со неверојатни 34 поени, 8 скока и 2 асистенции.