Кошаркарска Србија и регионот се во жалост поради ненадејната смрт на Драган Лабовиќ, поранешен репрезентативец на Србија и долгогодишен интернационалец. Лабовиќ почина на само 38-годишна возраст, а српските медиуми јавуваат дека причина за смртта е срцев удар. Тажната вест ја потврди и Кошаркарскиот сојуз на Србија (КСС).
Лабовиќ беше еден од оние играчи кои оставија траен печат и на македонската кошаркарска сцена. Навивачите добро го паметат неговиот блескав период во дресот на Карпош Соколи, кога беше вистински лидер на тимот.
Сакаш да снимаш видеа и да заработуваш од тоа? ТЕБЕ ТЕ БАРАМЕ! ↓↓↓
Како крилен центар со силна присутност под обрачите и изразена кошаркарска интелигенција, Лабовиќ изгради респектабилна кариера настапувајќи за бројни клубови низ Европа и светот. Меѓу тимовите за кои играше се вбројуваат: ФМП Железник, Борац Чачак, Арис (Грција), Франкфурт Скајлајнерс (Германија), Јенисеј Краснојарск и други.
Фото: Принтскрин
Учество во игри на среќа е дозволено за лица со 18+ години. Играј одговорно!