Неверојатно: Бразил од 2006 година на Мундијалите од Европа ги победува само Хрватска и Србија

Изгледа неверојатно, но на Светските првенства од 2006 година, Бразил од европските земји ги победувал само Србија и Хрватска и тоа по двапати.

„Кариоките“ се едни од главните фаворити за освојување на Мундијалот, а тоа го потврдија и после вчерашниот натпревар против Србија каде што издоминираа и славеа со 2:0. Меѓутоа кога ќе се погледне наназад може да бидат загрижени.

Имено, од 2006 година Бразил има четири победи над европски селекции и тие се само против Србија и Хрватска по двапати.

Во 2006 и 2016 Бразил славеше против Хрватска, а вчера како и во 2018 година ја победија Србија. Во тој период одиграа уште седум натпревари против репрезентации од Европа, меѓутоа имаат пет порази и два нерешени натпревари.