Мбапе се одмазди на Хрватот, па призна: “Такви работи не ги заборавам”

Реал Мадрид го победи Манчестер Сити со 3:1 и го исфрли од Лигата на шампионите минатата сезона. Херој на победата на ‘кралевите’ беше Килијан Мбапе кој ги постигна сите три гола, а посебно беше впечатлив оној за 2:0, откако убаво го изигра Јошко Гвардиол.

Откако со влечкање го остави Мбапе на тревата и постигна гол, Французинот му се потсмеа на Гвардиол додека лежеше на подот.

Поминато е повеќе од една година од тогаш, а сега Мбапе зборуваше за тоа.

“Моето славење против Гвардиол? Сето тоа почна на првиот натпревар, тој ме собори и славеше навистина гласно. Такви работи не ги заборавам”, рече Мбапе.