„Не е проблем тоа што ги немаме Меси, Роналдо и Нејмар, имаме млади ѕвезди како Винисиус Жуниор“

Лионел Меси ова лето ја напушти Барселона и одлучи кариерата да ја продолжи во ПСЖ.

Меси така си замина од клубот каде што помина цели 17 години, се очекуваше тука да биде до крајот на кариерата, но тоа не се случи.

Заминувањето на Меси изненади многумина, а дел од јавноста смета дека Ла Лига поради тоа ќе изгуби дел од популарноста. Но првииот човек на Ла Лига, Хавиер Тебас не се сложува со таквите мислења.

„Не ме загрижува тоа што немаме играчи како Меси, Роналдо и Нејмар. Сега имаме млади ѕвезди како Винисиус Жуниор, верувам дека можеме да го надополниме нивното отсуство“, порача Тебас.