Најскапиот „топџија“ призна: Невозоможно е да го стигнеме Сити, но наша цел е Лигата на шампиони

Сеуште не е ниту завршен првиот дел од сезоната, а Манчестер Сити практично веќе го слави трофејот во Премиер лигата, а конкурентите како полека да се откажуваат.

Ова го призна и напаѓачот на Арсенал, Алескандар Лаказет. Манчестер Сити во овој момент има 17 бодови повеќе од Арсенал.

„Од оваа гледна точка, ќе биде навистина тешко да ја освоиме титулата. Потребно е да се случи чудо. Сити мора да изгуби многу натпревари, а знаеме каков е нивниот учинок до овој момент. Сепак, кога доаѓав во Арсенал, целта беше да се пласираме во Лигата на шампионите“, изјави францускиот напаѓач.

Иначе Лаказет е најскапиот фудбалер во историјата на Арсенал (53 милиони евра), до овој момент тој постигна осум погодоци на 16 натпревари.