Чешкиот тенисер Јиржи Лехечка, 31. на АТП-листата, го победи легендарниот шпански тенисер Рафаел Надал со 7:5, 6:4 во осминафиналето на Мастерс-турнирот во Мадрид.
Надал се обидува да се врати во форма по долго отсуство од тениските терени поради повреда, но сега испадна.
Надал така го заврши настапот на турнирот каде пет пати ја освојуваше титулата. Во четвртфиналето Лехечка ќе игра против Русинот Данило Медведев, кој во претходниот меч го совлада Казахстанецот Александар Бублик со 7:6(3), 6:4.
Пред синоќешниот пораз, Надал победи три меча по ред на турнирот во Мадрид за прв пат од летото 2022 година. Со оглед на долгата пауза, Надал, освојувач на 92 титули, моментално е на 512-то место во светот.
Коментари
Учество во игри на среќа е дозволено за лица со 18+ години. Играј одговорно!