Надал и Ѓоковиќ ќе го одиграат можеби последниот меч досега. Еве кога е на распоредот

Рафа Надал го совлада Унгарецот Мартон Фучович со 2:1 (6:1, 4:6, 6:4) и ја закажа јубилејната 60-та пресметка со Новак Ѓоковиќ, втора на Олимписките игри. Надал (38) и Ѓоковиќ (34) денеска околу 13 часот и 30 минути на централниот терен во Париз ќе го одиграат можеби последниот меч досега.

Надал по ОИ најави можност да се повлече од тенисот, а во последните неколку меча покажа дека е далеку од формата што го красеше кога беше најдобар играч на светот.

Ѓоковиќ е голем фаворит, а организаторите решија овој меч да го закажат во идеално време поради големината на двајцата играчи.

Натпреварот ќе започне кога ќе заврши оној меѓу Ига Свијатек и Французинката Дијана Пари. Тој натпревар треба да започне напладне.