Награда за одличните настапи: Димитриевски го продолжи договорот со Синфин

Дарко Димитриевски, повремениот репрезентативец на Македонија го продолжи договорот со Синфин Станадер.

Клубот одлучи да го награди за добрите настапи во последно време и тој ќе остане во најсилната шпанска конкуренција уште една година.

Овој играч се наоѓаше на пошироките списоци кај Обрван и Раул Гонзалес. Во АСОБАЛ лигата има навистина големо искуство, пред Синфин го носеше дресот на Адемар Леон и Пуерто Сагунто.

Димитриевски игра одлична сезона, покрај придонесот во нападот има и голема доверба во дефанзивата.