На Миовски не му се брза: Одлично ми е во Абердин

Maкедонскиот напаѓач, Бојан Миовски истакна дека е среќен во Абердин и е свесен за интересот на поголемите клубови, но сепак не брза со трансферот.

Откако пристигна во Абердин, македонскиот напаѓач се промовираше во вистински миленик помеѓу навивачите, а голем број клубови покажаа интерес за неговиот потпис.

Во своето последно интервју за „Дејли Мејл“, Миовски порача дека не брза да замине.

„Имам уште две ипол години од договорот со Абердин. Одлично ми е во овој клуб и не брзам да си заминам. Знам дека многу работи се пишуваат за мене, но тоа е нормално. Кога играш во добра форма и даваш голови секогаш те следат поголеми клубови од оној каде настапуваш.

Во Абердин сум веќе година ипол, среќен сум тука, веќе постигнав 33 голови за овој клуб, се надевам дека и луѓето од Абердин се среќни со мене. За мој евентуален трансфер решава и клубот“, изјави Миовски.