Мурињо дебитираше со победа, но тоа не е ништо ново

Жозе Мурињо денес дебитираше на клупата на Тотенхем и на гостински терен против Вест Хем се радуваше на победа.

Спарси го надиграа Тотенхем, имаа голем број прилики, а на крајот Вест Хем со два гола сепак успеа да го ублажи поразот.

Така Мурињо беше успешен на дебито, меѓутоа тоа не е чудно бидејќи Жозе во главно победува кога дебитира во новиот клуб.

Мурињо само еднаш изгуби на своето деби и тоа во 2000 година кога на клупата на Бенфика беше поразен од Боависта. Победуваше на дебито во Челзи (два пати), Манчестер Јунајтед, Порто, Интер и денес Тотенхем. Во Реал Мадрид одигра 0:0 против Мајорка.