Интер и Брозовиќ се договорија, наскоро потпис

Италијанските медиуми пренесуваат дека Интер и Марсело Брозовиќ конечно постигнале договор за продолжување на соработката.

Преговорите за нов договор траеа подолго време бидејќи двете страни не можеа да најдат заеднички јазик.

Последните информации од Италија се дека сепак двете страни постигнале комплетен договор и наскоро Хрватот ќе стави потпис на нов договор.

Следната недела раководството ќе има средба со агентот на кој ќе бидат договорени последните детали, а потоа Брозовиќ ќе стави потпис на договор до 2025 година.

Според новиот договор хрватскиот плејмејкер ќе заработува 6 милиони евра по сезона плус бонуси.