Изненадување: Барселона тргнува по Санчо

Фудбалскиот клуб Барселона е заинтересиран за играчот на Манчестер јунајтед и повремен англиски репрезентативец Џејдон Санчо, пренесува каталонски „Спорт“.

Манчестер јунајтед го исфрли Санчо од првиот тим, откако тој одби да му се извини на менаџерот на „црвените ѓаволи“, Ерик Тен Хaг за објавите на социјалните мрежи во кои го обвинуваат дека лаже за неговата лоша игра во тимот.

Санчо (23) е пријавен за Премиер лигата и Лигата на шампионите, иако е исфрлен од првиот тим.

„Спорт“ наведува дека Барса ги следи случувањата на „Олд Трафорд“, а каталонскиот клуб планира да го ангажира англискиот фудбалер во зимскиот преоден рок.

Санчо пристигна во Јунајтед во 2021 година од Борусија Дортмунд, а за премиерлигашот одигра 82 натпревари и постигна 12 гола. Тој се појави на три натпревари оваа сезона. Тој има договор со клубот од Манчестер до јуни 2026 година.