Зошто Модриќ има необични кругови на нозете? Еве за што се работи

Репрезентацијата на Хрватска го одработи последниот тренинг во пресрет на полуфиналето на Лигата на нации во кое во среда од 20:45 часот во Ротердам ќе игра против Холандија.

Невообичаени црни кругови беа видливи на нозете на Лука Модриќ (37), а беа забележани и минатата година, кога капитенот на репрезентацијата го соблече дресот по мечот со Франција (1:1) на Пољуд во Лигата на Нации.

Тие се резултат или на хиџама или на вендузи, како што се нарекува во западниот свет.

Станува збор за метод кој го користеле старите Арапи и Кинези, а иако неговите придобивки не се научно потврдени, го користат се повеќе спортисти, вклучувајќи го и Карим Бензема.

Оваа форма на алтернативна медицина од големите ѕвезди првпат јавно ја користеше пливачот Мајкл Фелпс.