Зошто Варан би можел да ја освои „Златната топка“?

Изборот за играч на годината од страна на францускиот магазин „Франс Фудбал“ ќе биде одржан на 3. декември во Париз, а според наводите на „Л`екип“ на кратката листа за наградата нема да го има минатогодишниот победник, Кристиано Роналдо.

Споменатиот медиум откри дека одлуката ќе ја донесе помеѓу тројца играчи – Лука Модриќ, Килијан Мбапе и Рафаел Варан, и дека признанието сигурно ќе го добие Варан. Како причина се наведува тоа што дефанзивецот го освои Светското првенство со Франција и Лигата на Шампионите со Реал Мадрид.

Интересно е тоа што на кратката листа го нема ниту напаѓачот на Атлетико Мадрид, Антоан Гризман кој до сега беше меѓу главните фаворити, а на листата не се наоѓа ниту играчот на Барселона, Лео Меси. Тоа укажува дека Златната топка, доколку овие извори се точни, по 10 години нема да оди во рацете на Роналдо и Меси.

Последен кој ја доби таа награда, пред доминацијата на споменатите двајца играчи беше Рикардо Кака.