За прв пат: Реал Мадрид ќе бара фудбалски таленти во Македонија

Шпанскиот гигант Реал Мадрид во периодот од 11 до 15 јуни ќе има свој камп на кој ќе се бараат талентирани фудбалери од 7 до 17 години.

Во Скопје денес пристигна директорот на фондацијата, „Реал Мадрид Кампус“, Хоакин Сагес кој истакна дека кампот на Реал Мадрид е најдобар од сите кампови на фудбалските гиганти.

„Горди сме што ќе имаме камп и во Македонија. Целта на Реал Мадрид е учесниците на овој камп да се стекнат со фудбалско знаење од лицата во нашиот клуб“, изјави Сагес.

Реал свои фудбалски кампови ќе има во повеќе од 50 држави во светот, на кампот можат да се пријавуваат момчиња и девојчиња на возраст од 7 до 17 години.

Сепак цената за учество на овој камп воопшто не е мала.

Доколку имате обезбедено свое сместување за вашето дете ќе треба да платите 18.990 денари или 26.990 денари доколку учесникот на кампот престојува во хотелот „Континентал“.

Повеќе информации и можност да се пријавите имате ТУКА.