Артета прави бункер: Арсенал во потрага по нов дефанзивец, овој пат од Бундеслигата

Арсенал започна преговори околу ангажирањето на централниот дефанзивец од РБ Лајпциг, Кастел Лукеба.

Французинот, по три сезони во германскиот клуб, планира да си замине на крајот од тековната сезона, пренесува угледниот списание L’Equipe.

Според информациите, „Биковите“ очекуваат да остварат помеѓу 60 и 70 милиони евра од трансферот на 23-годишниот фудбалер. Скаути на Арсенал го следеле Лукеба за време на натпреварот во Бундеслигата против Борусија Дортмунд минатиот месец. Се претпоставува дека дефанзивецот сака да продолжи кариерата во англиската Премиер лига или шпанската Ла Лига.

Лукеба оваа сезона веќе одигра 23 натпревари во сите натпреварувања, постигнувајќи еден гол и забележувајќи асистенција. Неговиот актуелен договор со клубот важи до летото 2029 година. Според Transfermarkt, неговата пазарна вредност се проценува на 45 милиони евра.