Жестоки критики за Бонучи: Тој е срам за Јувентус и треба да го продадат!

Mладиот напаѓач на Јувентус, Моис Кин се најде во центарот на вниманието после вчерашниот натпревар против Каљари кој „старата дама“ го доби со 0:2.

Јувентус како гостин славеше победа од 2:0, а еден од головите го постигна и Кин. Но, пред тоа тој и Блез Матуиди беа мета на расистички навреди од трибините.

Italian teen Moise Kean is subjected to racist chants throughout a match. He scores and celebrates like this in the 85th minute.

The perfect response right?

His manager: "He should not have celebrated in that way"

His captain: "The blame is 50/50."pic.twitter.com/efzLNmCdmP

— Richard Chambers (@newschambers) April 3, 2019

Откако Кин го постигна голот застана пред навивачите на Каљари и на тој начин им одговори на нивните навреди. Голема прашина се крена кога после натпреварот се огласи Леонардо Бонучи кој место да го брани својот соиграч го нападна.

„Имаше расостички навреди кон Кин, Матуиди исто така се налути поради тоа. Меѓутоа вината е 50:50. Погреши Моис, погрешија и навивачите. Тој треба головите да ги слави заедно со соиграчите. Треба да бидеме пример, треба да напредуваме зедно за фудбалот да функционира во овие ситуации“, изјави Бонучи после натпреварот.

Многумина веднаш го осудија Бонучи бидејќи ги бранеше навивачите на домаќините и на некој начин ги одобри навредите кон Кин, но и Матуиди.

Драмата се уште не се смирува бидејќи се огласи менаџерот на Кин, Мино Раиола кој немаше милост кон Бонучи и беше прилично остар.

„Ако во клубот постојат личности кои не сакаат да се борат против расизмот тие треба да си заминат. Спортот има важна улога во Италија. Помеѓу самите Италијани постои расизам, но сите молчат за тоа. Бонучи е срам за Јувентус и треба да го продадат“, изјави Раиола.