Еуфорија помеѓу „росонерите“: Милан ја пречекува Сампдорија пред скоро полн „Сан Сиро“

Навивачите на Милан се во вистинска еуфорија поради доаѓањето на Ибрахимовиќ.

Милан во понеделник ќе игра против Сампдорија во Серија А и после подолго време ќе игра пред скоро полн стадион.

Сезонава Милан има просек на посетеност од 45.000 навивачи, но во понеделник посетата ќе биде огромна, а секако причина за тоа е Ибрахимовиќ. Навивачите на Милан сакаат да му посакаат добредојде назад на Швеѓанецот.

Италијанските медиуми објавија дека Милан продал 60.000 билети за натпреварот и до понеделник таа бројка сигурно ќе биде поголема. Вообичаено ваква посета на „Сан Сиро“ има за дерби натпреварите, меѓутоа сега тука е Ибра.