Дончиќ руши рекорди на теренот и надвор од него: Добива рекорден спонзорски договор

Младиот Словенец Лука Дончиќ запиша дури 42 поена збогатени со 11 асистенции и 9 скокови во победата на Далас Маверикс на гости кај Феникс Санс.

Дончиќ имаше неверојатен ноември во просек постигнувајќи по 32,4 поени, 10,3 скокови и 10,4 асистенции по натпревар. Во историјата на НБА само уште на Расел Вестбрук и Оскар Робертсон им успеало да запишат трипл-дабл со над 30 поени месечно.

Дончиќ е сигурно нова НБА ѕвезда, па стана магнет и за спонзори, а наскоро би требало да добие нов договор за брендот на патиките.

Рекордот го има Вилијамсон, кој доби над 100 милиони долари, а секако тука е и Леброн Џејмс, кој тешко дека некој ќе го надмине, но Дончиќ би можел да биде во самиот врв, зашто речиси сигурно ќе потпише договор вреден повеќе од 100 милиони долари.