![](https://sportski.mk/wp-content/uploads/2017/02/17.02pogba1.jpg)
Манчестер Јунајтед го совлада Сент Етјен со 3:0, а натпреварот го одбележа дуелот помеѓу двајцата браќа Погба, Пол и Флорентин.
Играчот на „црвените ѓаволи“ можеше да слави победа, но беше многу посреќен што имаше можност да игра против својот брат.
Шанса да станеш YouTuber! Приклучи се! ↓↓↓
„Беше магично. Не можев да верувам кога го видов. Почнавме да се смееме и само да уживаме во моментот. Ваква ситуација не се случува секој ден. Натпреварот беше добар, сакавме да победиме, а во реваншот ќе ни биде полесно иако ништо не е готово“, изјави Пол Погба.
„Да се игра против својот брат е неверојатно, но кога почна натпреварот не мислев повеќе на тоа. Малку жалам што не ги искористивме добрите шанси во првото полувреме. Манчестер беше поефикасен, а тоа е одлика на големите клубови. Има уште да се игра и ние мораме да веруваме“, изјави Флорентин Погба.