„Биковите“ совладани на „Олимпико“ во грчко-римски стил

По големиот триумф во Наполи во изминатото коло, Рома пред домашната публика славеше над Торино со 3:0.

Гостите издржаа до 56. минута, кога резултатот го отвори Костас Манолас.

По еден корнер од левата страна, „Биковите“ не успеаа да ја одбранат опасноста, топката на другата страна дојде до Флоренци, а тој центрираше, па Гркот беше прецизен во противничката мрежа.

Во 73. минута Торино повторно лошо бранеше по прекинот, па Де Роси казни со погок и ја отвори вратата до победата.

Триумфот го зацементира Лоренцо Пелегрини по контранапад кој го повлече Наинголан во продолжението за конечни 3:0, па „Римската волчица“ се зацврсти на третата позиција на табелата.