Мбапе не тренира денови пред реваншот против Баерн

Килијан Мбапе не тренираше со Реал Мадрид денеска поради последиците од ударот кој го доби во натпреварот против Жирона во петокот.

Францускиот напаѓач има неколку конци на веѓата по ударот со лакот од Витор Реис кон крајот на натпреварот во ситуацијата за која “кралевите” бараа да добијат пенал. Поради непријатност, Мбапе беше оставен да одмора како мерка на претпазливост.

Сепак, неговото учество во реваншот против Баерн во Минхен не е под знак прашалник. Натпреварот од четвртфиналето во Лигата на шампионите е во среда, а Реал заостанува со 1:2.