Биелса сака во Лидс да го види – Елмас!

Познатиот „Атлетик“ пишува дека англиски Лидс каде што во овој момент настапува, Езгјан Алиоски покажал интерес за доведување на Елиф Елмас.

Во објавата на „Атлетик“ која е најава за Македонија на ЕП во делот на Елмас стои.

„Елиф е клучен во играта на Македонија, меѓутоа Гатузо не го играше многу минатата сезона. Елмас сигурно ќе го искористи ЕП да покаже што знае со топката“.

Се додава и дека Марсело Биелса покажал голема желба да го има во својот тим.

Веста на „Атлетик“ ја пренесоа повеќе медиуми, а интересен беше насловот „HITC“: Лидс сака да доведе фудбалер кој вреди 14.5 милиони фунти и кој сака да стане еден од најдобрите во светот.

Претходно името на Елмас се поврзуваше со Бенфика и Борусија Дортмунд, сепак треба да се почека да се види ставот на новиот тренер на Наполи, Лучијано Спалети кој дојде на местото на Гатузо.