Атлетико и Интер се „тепаат“ за ѕвездата на Бока

Тренерот на Атлетико Мадрид, Диего Симеоне сака да ја доведе во своите редови ѕвездата на Бока Јуниорс, Наитан Нандез.

Симеоне бил импресиониран од квалитетите и борбеноста на Нандез за време на финалето против Ривер кое се играше во Мадрид.

Шпанските медиуми тврдат дека Атлетико го сака Нандез уште во јануари, но ќе треба да ја победи конкуренцијата, бидејќи Интер исто така покажува сериозен интерес за 23-годишниот Уругваец.

Нандез пристигна во Бока во 2017 година од Пењарол и веднаш се етаблираше во првиот тим. Договорот на играчот за врска истекува во 2020 година, а неговата откупна клаузула изнесува 25 милиони евра.

Inter Face Competition From Atletico Madrid For Nandez https://t.co/AFD4ZiS2ze #FCIM #ForzaInter #InterFans pic.twitter.com/tZcKNxO9rT

— SempreInter.com (@SempreIntercom) December 20, 2018