Алвес малку избрза и направи смешен потег пред самиот крај на финалето на Копа Америка (ВИДЕО)

Репрезентацијата на Бразил ја освои титулата на Копа Америка откако вчера „Кариоките“ беа подобри од Перу со 3:1.

Бразилците одиграа одличен турнир и на крајот како домаќини се радуваа на трофејот.

Еден од најдобрите на теренот во финалето беше искусниот Дани Алвес кој стигна до својот 40-трофеј во кариерата. Алвес на Копа Америка пропушти само пет минути, а најдобар момент му беше соло продорот против Аргентина во полуфиналето.

Алвес во финалето беше уловен во една интересна ситуација.

Имено, тој поради нешто помисли дека е крај па започна да слави, но набрзо сфати дека работата се уште не е завршена. Погледнете го малиот блам на искусниот Алвес.