Џанлуиџи Буфон (48) навести дека тој и селекторот Џенаро Гатузо (48) ќе останат на чело на италијанската репрезентација до јуни, овозможувајќи на Федерацијата време да пронајде ново раководство по шокантниот пораз од БиХ по пенали во борбата за Светското првенство. Италија во финалето на баражот изгуби од Босна и Херцеговина по изведување пенали, со што по трет пат по ред не успеа да се квалификува на најголемиот светски фудбалски настан.
Зошто проблемот со улични кучиња СÈ УШТЕ постои? | Уште еден поткаст
По поразот, претседателот на Италијанската фудбалска федерација (ФИГЦ) Габриеле Гравина потврди дека ги замолил Гатузо и Буфон, кој ја извршува функцијата шеф на делегацијата, да останат на своите позиции, но ситуацијата се чини дека останува неизвесна, пренесува Football Italia.
“Ова е чувствителен момент и мораме да си дадеме потребно време за да донесеме правилни одлуки”, изјави Буфон на прес-конференција. “Јасно е дека спортската сезона завршува во јуни, така што е праведно и чесно до тогаш да останеме на располагање на Федерацијата, претседателот и на сите оние што ми покажаа доверба”, додаде легендарниот голман.
Буфон летото 2023 година беше именуван на позицијата во италијанската репрезентација, додека Гатузо е селектор од јуни 2025 година. Во осум натпревари, забележал шест победи и два порази.
Учество во игри на среќа е дозволено за лица со 18+ години. Играј одговорно!