Тајгер Вудс призна дека има проблем: Ќе барам медицинска помош

Тајгер Вудс изјави дека ќе „направи пауза во кариерата на определен период, ќе побара лекарска помош и ќе се фокусира на здравјето” откако беше приведен по сообраќајната несреќа што ја предизвика.

Овој 50-годишник беше приведен и обвинет за возење под влијание на алкохол откако во текот на минатата недела влегол на патека по која се движел камион и му се превртел автомобилот на Флорида.

Ќе му се суди и за нанесување штета на имот и одбивање да биде подложен на задолжително тестирање за алкохол.

Претходно, полицијата детално го опиша неговото однесување по несреќата.

Вудс имал две таблети хидрокодон во џебот, а тоа е аналгетик кој се користи против силни болки, пишува во полицискиот извештај.